Kiffer letra

I säge, wie geits dir
är seit s gliche zu mir
wo-ni neulich en Kolleg atriffe
är seit i be bass
i luege nümm id s Glas
i ha deför wieder afa kiffe

Mir hei Züüg verzellt
über Geist u Gäld
wo-n-er seit, sorry, muess schnäll go schiffe
wo-n-er zrugg chunt a d Bar
da isch s mir klar
er isch uf d Schissi eis ga kiffe

Do lüütet mir e Dame a
öbi öppis müessi ha
i säge, wie söll i das begryffe
si seit, nid schüüch,
d Manne sy alli gliich
sie redi nid vo Sex, si rede vom Kiffe

I ha-n-es Bsüechli gmacht
i ha-n-es Chüechli bracht
ha gluegt, dass i nid z spät ytriffe
wo-ni be ynecho
gits es grosses Hallo,
d Stube voll Lüt, und alli kiffe

Und de Wecker Konstantin het gseit
es liigi nömme drin
mit dem blöde Coci-Sniffe
es syg en Megaseich
es macht biireweich
er tüeg jetzt nome no kiffe

Und au de Glauser Fritz
het i der grösste Hitz
die erschtbeschti Glägeheit ergriffe
isch mit der Fremdelegion
i d Maghreb-Region
go luege, öbs öppis gäb z kiffe

Si hei es Mätschli ghaa
i dr Nati A
Do hei-si dr Mittelstürmer uspfiffe
und zwor will dää
hät e Penalty vergää
nochdemm er ir Pouse isch go kiffe

I dr Modällagentur
isch dr Prässeschäff suur
und zwor wäg dr Claudia Schiffer
will i dr Zyttig stäit
sy heigi schiinbar gsäit
sy sig e fröhliche Kiffer

Polo Hofer - Letras

• Alperose
• Blueme u Chueche
• Brunni Ouge
• Buddha (am Hals)
• Das chöi mer o
• Dr Sidi Abdel Assar vo El Hama
• Es isch gloffe
• I dr Zuekunft
• Im letschte Tram
• Johnny Ace
• Kiffer
• Kiosk
• Kyoto
• Liebe Siech
• Lotti Lotti
• Sennehund
• Stärnschnuppe
• Stets in Truure
• Use a See
• Vogelfuetter-Song
• Warehuus Blues
• Weisch no?
• Wenn mys letschte Stündli schloht
• Wudu - Lili